Ákærdir fyri at ætla at gera rúsevni í Norðdepli

Ætlanin var at gera rúsevni í einum verkstaði í Norðdepli.

Í hvussu so er eru tveir menn ákærdir fyri tað.

Sambært ákæruritinum var ætlanin at gera minst 14,1 kilo av amfetamini og níggju litrar av GHB, eisini kallað G og fantasy.

Tað evnið hevur doyvandi virknað.
 
Útgerð og kemikalium vóru keypt.

Men framleiðslan byrjaði ikki rættiliga, tí politiið tók annan mannin.

Tað var 12. juli 2020.

Ákæruritið er dagfest 30. november 2023.

Og Føroya rættur skal viðgera málið í næstu viku.

Menninir eru danir, annar er 37 ár, og hin er 43 ár.

Høglbyrsa

Teir eru eisini ákærdir fyri hóttan og frælsistøku.

Teir vístu, sambært ákæruritinum, tí, sum teir hóttu og tóku, eina høglbyrsu, sum lá í bili teirra.

Annar skal hava sagt, at hann var ikki bangin fyri at brúka byrsuna.

Menninir eru eisini ákærdur fyri onnur lógarbrot, serliga ferðslulógarbrot.

Menninir nokta seg sekar.