Óheft russiskt blað letur aftur

Óheft russiskt blað letur aftur
Russiskir myndugleikar hava lagt Novaya Gazeta undir at vera útlendskur agentur
 
30.10.2026 - 11:19

Óhefta russiska blaðið, Novaya Gazeta, letur aftur.

Tað stendur á heimasíðuni hjá blaðnum í dag.

Russiskir myndugleikar løgdu fyrr í heyst blaðið undir at vera útlendskur agentur.

Novaya Gazeta gav fyrsta blaðið  út í 1993, og er kent fyri gravandi journalistikk og fyri tíðindi, sum finnast at russiskum myndugleikum.

Journalistarnir a blaðnum hava fleiri ferðir verið fyri hóttanum, álopum og drápsroyndum. 

Seks starvsfólk eru dripin.

 

Blaðstjóri fekk friðarheiðursløn Nobels

Í 2021 fekk táverandi høvuðsblaðstjórin á blaðnum, Dmitrij Muratov, friðarheiðursløn Nobels.

Í fráboðan á heimasíðuni hjá blaðnum stendur, at tað er "dripið", og at virksemið verður stongt 9. november.

- Vit doyðu ikki, men teir drupu okkum - saman við grundlógini. Vit kunnu bara flenna at grein 29 í grundlógini, sum er forboð fyri sensuri, sigur Dmitrij Muratov, høvuðsblaðstjóri í viðmerking til fráboðanina.

Er kopiera
Nýggjastu sendingar í ÚV
Sunnudag 8. november
Guðstænasta í Viðareiðis kirkju
216081
Sunnudag 8. november
Filosofiskur 7. partur
216049
Leygardag 7. november
PLÁTUPANELIÐ #43 (1976)
216068
Leygardag 7. november
Jambalaja - 071126
216065
Nýggjastu sendingar í SV
Sunnudag 8. november
Møti hjá Heimamissiónini við Tjarnir
216089
Sunnudag 8. november
Andaktin við Anju Bjerkenes
216083
Leygardag 7. november
Talvið um Tinganes (1:2) - teknmálstulkað
216066
Leygardag 7. november
Dagur og vika - teknmálstulkað
216058