Tvær umsóknir til varastjórastarvið í Sjúkrahúsverkinum

Tvær umsóknir komu til starvið sum varastjóri við læknafakligari bakgrund í Sjúkrahúsverkinum. Umsóknarfreistin fór á middegi.

Starvið var endurlýst, tí bara tvær umsóknir komu til starvið, tá freistin fór 28. september. Tá søktu tveir menn starvið.

Men eisina hesa ferð komu bara tvær umsóknir.

Nú skal setanarbólkurin gera, hvussu farið verður víðari í tilgongdini.

Varastjórin er ovasti ábyrgdarhavandi lækni í sjúkrahúsverkinum.

Varastjórin virkar eisini sum læknafakligur ráðgevi hjá Heilsumálaráðnum.

Tummas í Garði hevur verið varastjóri. Hann er farin frá, og arbeiðir nú sum lækni.