- Tíðindi, mentan og ítróttur
Ljóarin
Fyrst í sendingini frætta vit um stóra fagnaðartiltakið fyri Jens Paula Heinesen, sum hevði fylt 90 ár leygardagin. Og tað verður saman við Elin Brimheim Heinesen og Enzo de Rosa.
Onnur fantasybókin hjá Elin Michelsen um huldugentuna Tóru er komin. Vit práta við Elina um bókina og tað at skriva til ungdóm.
Í dag letur Eyði Horsdal úr hondum sítt fjórða staklag - Foolish blue, ið eisini verður tøkt á lp-plátuni, Songs with Eva, ið kemur út 24. mars komandi ár. Vit tosa við Eyði um eitt nú samstarvið við Evu Perrin Fontana, ið leggur navn til plátuna.
Í aðru viku verður skeið í rødd og framburði. Men hvat er tað? Vit tosað við undirvísaran, Súsonnu Tórgarð, leikstjóra og sjónleikara, miðskeiðis í sendingini.
Rakel Helmsdal er mest kend sum høvundur, ið eisini hevur fingist við teatur, men nú hevur hon flutt seg yvir í myndlistina og hevur fyri fyrstu ferð sína egnu framsýning, ið vit hava vitjað.
Og gamli freskumálningurin hjá Hans Hansen á Føroya Fólkaháskúla er umvældur, eftir at hava verið í sera ringum standi. Vit hoyra um tað arbeiðið, tá ið vit tosa við Tom Egelund.
Tú kanst hoyra sendingina her!