67 milliónir krónur.<br/>
So stóra bót helt Heilsufrøðiliga starvsstovan í 2021, at Bakkafrost skuldi fáa fyri lógarbrot.<br/>
Men fimm ár seinni er støðan ein heilt onnur.<br/>
Fyrst vórðu partar av málinum sleptir og kravið minkað niður í eina millión krónur, og nú hevur Føroya rættur staðfest, at málið er fyrnt.<br/>
Tað merkir, at rætturin ikki hevur tikið støðu til, um Bakkafrost hevur brotið lógina.<br/>
Men hetta málið leggur eisini upp til ein størri spurning.<br/>
Kann ein fyritøka gerast ov stór til, at myndugleikarnir tora at ganga henni ímóti?<br/>
Hvat hendir, tá ein fyritøka gerst so stór og so týdningarmikil fyri eitt samfelag, at myndugleikarnir kunnu koma undir trýst?<br/>
Og hvussu tryggja vit, at somu reglur galda fyri øll - eisini landsins størstu fyritøkur?<br/>
Gestir: Kristina Samuelsen, løgfrøðingur, Regin Jacobsen, stjóri á Bakkafrosti, og Hallbera West, stjórnmálafrøðingur og granskari.<br/>
Gjørt sendingina: Hansa Hansen og Sigurjón Einarsson, sum eisini er redaktørur.