Kristiliga Sangkórið í Havn hevði 70 ára jubileumskonsert í Finsen leygardagin 25. novembur. Súsanna Brattaberg, sum nú er kórleiðari, stjórnaði fleiri sangum. Og nakrir aðrir fyrrverandi kórleiðarar sluppu eisini fram at. Teir eru Knút Olsen, Fróði Sandoy og Sámal Matras Kristiansen, sum eisini sang tveir sangir solo.

Tey, ið syngja við Kristiliga Sangkórinum, siga, at sanggleðin í kórinum hevur altíð verið stór. Og tað serliga á konsertini var, at tveir av sangarunum, sum vóru við frá byrjan av, vóru eisini við á 70 ára konsertini í Finsen. Tey eru Hallgerð á Lofti og Johan Restorff Jacobsen.

Kristiliga sangkórið plagar at skipa fyri einari várkonsert og einari jólakonsert á hvøjrum ári. Kórið hevur eisini verið nógvar uttanlandsferðir hesi 70 árini. Flestu ferðirnar hava verið í norðurlondum.