"Eagle in the Sky" eitur nýggja plátan hjá Lenu Anderssen, sum hon og maðurin, Niclas Johannesen, hava framleitt saman. Í sambandi við útgávuna, so skuldu tey spæla eina konsert í nýggja spælistaðnum í Miðvági, Listastovan, sum er í gamla møtisalinum hjá Brøðrunum í bygdini, Salem. Plátan var eitt gott høvi at seta seg saman við Lenu og Niclas og práta eitt sindur um teirra yrkisleið og teirra nýggju útgávu. Tí varð avrátt at gera samrøðuna í bilinum á veg til Salem.