Rigmor Restoff Dam hevur í fleiri ár arbeitt við at savna vitan um føroyskar kvinnur, sum eru deyðar í barsilssong. Fyri hana hevur tað týdning at minnast kvinnurnar fyri tað, tær vóru, tá tær vóru á lívi.  

Í hesi sending tosa vit við Rigmor Restorff Dam um barsilsdeyða, og hvussu tað hevur ávirkað føroyskar familjur. Í sínum arbeiði við bókini “Tær góvu lív” hevur Rigmor Dam ferðast runt landið, har hon hevur tosað við nógv fólk, sum hava havt barsilsdeyðan nær at lívinum.  

Við íblástri úr bókini hevur Kringvarpið gjørt dokumentarin Góða mamma, har avvarðandi fortelja, hvussu tað hevur ávirkað teirra lív at missa mammu og konu til barsilsdeyðan. Góða mamma kann síggjast her: