Kári P. er vorðin eitt hugtak í føroyskari tónleikamentan. Hegnisligt lagasmíð og dygdargóðar tekstir hava vunnið honum støðu sum føroyskur fólka- og vísusangari í flokki fyri seg. "Vælferðarvísur" og "Hinumegin ringvegin" eru varðar í føroyskari tónleikaútgávu.

Fyri yrkingarnar á hesum útgávum fekk Kári P. í 1995 M.A. Jacobsens virðislønina fyri fagrar bókmentir. Fleiri av yngru føroysku sangskrivarunum hevur Kári P. verið lýsandi fyrimynd, nevnast kunnu Eyðun Nolsøe, Kári Sverrisson og Teitur Lassen.

Í sendingini greiðir Kári frá, hvat skundaði undir tónlistalívsleið hansara, hvørjum mentanarumhvørvi hann spretti úr, hvaðani íblásturin til sangirnar er komin, um sosialrealismu og sálarfrøði, ið prosaskaldskapur hansara í høvuðsheitum er grundaður á, um málsliga og listarliga endurnýggingarstremban, og um Bacchus - forngrikska víngudin - ið umboðar tann týnandi máttin, ið er í ævigum stríði við sanggudin Apollo - tann skapandi listarmáttin.

Suni Merkistein hevur lagt til rættis.

Lurta eftir sendingini her.