- Tíðindi, mentan og ítróttur
Við Tórði á túri
-Nógvir útlendingar sum vitja okkum eru ovfarnir um, at vit klára at hava eitt veruligt universitet í Føroyum, sum kann bjóða útbúgvingar á sama stigi sum í okkara grannalondum. Tað sigur Martin Tvede Zachariasen, rektari á Fróðskaparsetri Føroya.
Í dag er fyrsti partur av túrinum á Setrinum, og umframt rektaran hitta vit eisini ymisk onnur áhugaverd fólk sum starvast á Setrinum.
Á setrinum hava tey júst hátíðarhildið, at tað eru 60 ár síðani vit fingu universitet í Føroyum. Tað byrjaði á Debesatrø, har Føroyamálsdeildin framvegis húsast. Nú heldur Setrið til í átta ymiskum støðum í Havn og bjóðar 25 ymiskar útbúgvingar og hevur umleið 1.000 lesandi og umleið 170 starvsfólk.
Tey, sum vit tosa við í hesum fyrsta partinum á Setrinum, eru: Sunnvør Klettskarð í Kongsstovu, Ingvar Joensen, Martin Tvede Zachariasen, Barbara Scalvini, Bjørk Dalsgaard, Sarah Foghill, Brynhild Thomsen og Lív Maria Róadóttir Jæger.
Her kanst tú hoyra fyrsta part á Setrinum.
Við Tórði á túri
Tórður Mikkelsen vitjar bygdir og býir kring landið við mikrofonini og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum.
