- Tíðindi, mentan og ítróttur
Málteigurin
Orðabókaleiting
31-01-2022
Tað er so mangan, at fólk ikki finna orð í orðabókunum - man tað vera tí, at orðið ikki er í bókini, ella tí at fólk duga ov illa at leita í orðabókunum?
Størsti partur av dagsins sending fer til at tosa um orðabókaleiting.
Tað er so mangan, at fólk ikki finna orð í orðabókunum - er tað tí, at orðið ikki er í bókini, ella tí at fólk duga ov illa at leita í orðabókunum?
Sama hvat svarið er, so eru nógvar ymsar funkur í talgildu orðabókunum, sum øll kanska ikki vita um, sum kunnu geva nógv hollari og neyvari vitan um eitt orð, ið leitað verður eftir.
Elin Henriksen, málkøn, greiðir frá ymsum funkum og styttingum í orðabókunum.
Á orðabókaportalinum eru nakrar funkur, sum standa høgrumegin leitifeltið, sum kunnu geva hollari og neyvari frágreiðingar, um leitað verður eftir einum orði ella merking.
Tað ber eisini til at fara inn á heimasíðuna hjá Málráðnum og finna hjálp og vegleiðing til ymisk málslig ivamál.
Stavsetingarreglurnar finna tit her.
Strúkari og ein blá ein
Í dag umrøða vit orðið, strúka, ella ein strúkari. Orðið hevur rættiliga nógvar merkingar, og vit taka tað upp, tí tað er eitt av fleiri ymsum orðum, ið ikki verða so nógv brúkt longur, ið lurtari hevur sent okkum.
'Hatta kundi verið ein blá ein' - soleiðis verður mangan tikið til, tá eitthvørt kundi verið snópisligt, men hvaðani man hetta koma, spyr lurtari.
Málteigurin
Føroyskt mál og mállæra eru til viðgerðar í sendingini Málteigurin, har Elin Henriksen er gestur. Fleiri evni verða tikin upp hvørja ferð, og lurtarar kunnu eisini senda spurningar og viðmerkingar inn til sendingina, sum eisini verða svarað og viðgjørd.
Sendingin er at hoyra hvønn mánamorgun klokkan 9.05 og endursend leygardag klokkan 14.00.
Millum ung hoyrist nýggjur málburður, har tey millum annað siga: 'Tað áhugar meg' heldur enn 'eg havi áhuga' ella 'hatta er áhugavert'
22-01-2024
Nýggi kongurin eitur Fríðrikur 10. akkurát sum abbin æt Fríðrikur 9., og tí er tað ikki nýtt, at kongur verður róptur Fríðrikur á føroyskum
15-01-2024
Fyrr var púra vanligt at brúka orðið, bein ella beint, um nakað, sum er rætt. Til dømis var vanligt at siga: bein klokka er 11.07
08-01-2024
Ársins orð er vitlíki, og framburðurin kann vera við bæði longum og stuttum i: [vi:t] og [vɪt]. Nýggjaru orðini tykjast at leggja seg eftir longra framburðinum
18-12-2023
Hóast 'tá' líkist nógv 'tá ið' og verður brúkt oftari og meira enn 'tá ið', so er munur á hesum. Vit eiga at skilja ímillum 'tá' og 'tá ið', sigur Elin Henriksen, málkøn
11-12-2023
Tað er munur á at leggja hond á og hondina á. Tað fyrra merkir harðskapur uttan so at tilskilað verður, hvørs hond talan er um. Til dømis prestsins hond
04-12-2023
Eitt av evnunum í dagsins sending er, hví tað eitur hálvhosur. Hoyrið Elina Henriksen greiða frá áhugaverdu søguni um hálvhosur
29-11-2023
Lurtari spyr, um orðið flóvur er føroyskt ella ikki, og hvussu tað stavast, um so er
20-11-2023
Á føroyskum eru nógv starvs- og útbúgvingarheiti kallkyn, og tað noyðast vit at góðtaka, heldur Elin Henriksen, málkøn
13-11-2023
At framleiða verður meira og meira brúkt, meðan onnur vanlig orð verða skúgvað til viks, heldur lurtari
06-11-2023
Vit eru farin at skriva -u har, sum -i eigur at vera. Dømi sum enduliga, náttuna og hurðuna vísa eina ovurnýtslu av -u
31-10-2023
Tað er stórur merkingarmunur, tá ið tosað verður um eitt lið, sum hevur tapt fyri einum liði ella tapt fyri eitt lið. Her sæst væl, hvussu nógv røtt bending hevur at siga
23-10-2023