- Tíðindi, mentan og ítróttur
Málteigurin
Orðið, bjarnatænasta, verður ofta brúkt sum ein stór og góð tænasta, men upprunaliga merkti tað júst tað øvugta. Ein tænasta við góðum endamáli, men sum gevur baksláttur.
Eitt annað dømi um pendulorð er sjúkur. At vera sjúkur merkir millum annað at vera illa fyri, men í dag verður tað eisini brúkt um ein, sum er serstakliga væl fyri ella dugnaligur.
Ensk orð í føroyskum
Eitt rák, sum hoyrist nógv í dag er, at vit taka serliga ensk orð inn í málið. Tað er als ikki nakað nýtt, og tað verður gjørt upp á tveir ymsar mátar.
Annar er, tá ið vit taka útlendsk orð beinleiðis inn í málið og siga tey á tí málinum, sum tey eru tikin úr.
Hin er, tá ið vit taka útlendsk orð inn í føroyskt og lata tey í føroyskan málbúna.
Hetta seinna kallast kotuskifti, og tað er nakað, sum næstan ongin okkara kann siga seg ikki at gera. Orðingar, sum what ever, so be it ella hvorom alting er og hen ad vejen, eru allar dømi um kotuskifti.