Meg minnist: Malla Samuelsen (2:2)

12-02-2012

Jógvan Arge hittir Mallu Samuelsen í Havn. Samrøðan er frá 1997. Seinni partur

Miðskeiðis í tríatiárunum giftist Malla Samuelsen havnarmanninum Carl í Horni. Tá kríggið byrjaði, sigldi hann úti, og tey vistu onki frá honum, fyrrenn hann stóð inni á gólvinum í Havn til jólar í 1940. Øll familjan var við "Tjaldrinum," tá tað sigldi á Mjóanes í 1946.

Í fimtiárunum var Malla við til at stovna Kvinnufelagið og varð vald í Tórshavnar býráð sum fyrsta kvinna har. Í 60unum hevði hon sum fyrsta kvinna sæti á tingi sum varafólk. Malla Samuelsen hevði í sekstiárunum matgerðarskeið fyri ungar kvinnur og var í 13 ár leiðari á Ellisheiminum.

Meg minnist

Sendirøðin Meg minnist byrjaði í 2009. Í røðini leggur Jógvan Arge dent á at fáa fólk at siga frá slíkum, sum tey vita og hava upplivað. Sjálvt heitið á sendirøðini er ikki nýtt. Niels Juel Arge brúkti navnið í mong ár til sínar samrøðusendingar, og Jógvan ásannar, at ringt er at finna eitt betri felagsheiti fyri slíkar sendingar.