Svend Aage Ellefsen hevur havt fleiri skip. Tá hann var í kommununi í 1970unum var hann við at fyrreika niðursjóðingarvirkið Kovan.

Í 1984 keyptu hann og fleiri línuskipið Gamla Andrass og seinni gamla Lækkaklett hjá miðvingum. Í 1986 var gamli Høgifossur keyptur og nevndur Norðstjørnan.

Í 1993 leasaði hann trolaran Atlantic Beatrice úr Kanada, sum, skrásettur í Belice, fiskaði tosk í altjóða sjógvi. Síðani hevði hann ein litavskan trolara við miðstøð í Íslandi á rækjuveiðu við Svalbard.

Síðst í nítiárunum hevði Svend Aage saman við øðrum tvey skip á uppsjóvarveiðu, Prestland og Krúnuna. Tær kvoturnar vórðu skjótt seldar.