Pætur Rasmussen tók ímóti evropeiskum ríkfólkum, sum komu til Grønlands við Concorde-flogfari úr Paris. Úr Streymfjørðinum varð farið at uppliva ísfjøll og midnáttarsól. Hetta datt burtur, tá flogfarið fórst.

Pætur stongdi í 2002 sítt Greenland Incoming. Hann hevði bara verið eina løtu við hús, tá stjórin í Atlantsflog ringdi. Dagin eftir var Pætur í starvi har. Fyrst leiðari á støðini, og hann hevði síðani við tilrættalegging og leigu at gera.

Leiguflúgving gjørdist stórur partur av virkseminum. Pætur heldur, at tey góðu viðurskiftini hjá Atlantic Airways við kundar uttanlands stóðust av, at starvsfólkini vóru fyrikomandi.