CIP: Skálafjarðartunnilin er ein váðafull íløga

Íløgan í Skálafjarðartunnilin er ein váðafull íløga.

Tað var nakað av tí, sum partaeigarin í Copenhagen Infrastructure Partners, Rune B. Róin, hevði at siga, tá hann var á fundi í løgtingsins rættarnevnd í gjár um Skálafjarðartunnilin.

Rættarnevndin kann viðgera Skálafjarðartunnilin i góðar tvær vikur afturat, áðrenn hon skrivar álit.

Men Innlendismálaráðið hevur longu boðað fyrisitingini í løgtinginum frá, at tað er avmarkað, hvussu stórar broytingar kunnu gerast í lógini um tunnilin, tí lógaruppskotið hjá Kára P. Højgaard, landsstýrismanni, er tætt knýtt at teimum samráðingum, sum hava verið við Copenhagen Infrastructure Partners.

Rune B. Róin (á myndini) vildi tó siga so mikið, at talan verður ikki um, at løgtingið kann áseta ein mesta prís fyri at koyra gjøgnum Skálafjarðartunnilin.