Jenis av Rana: Jørgen skal úr Fíggjarmálaráðnum

- Stevnir Jørgen Niclasen Kringvarpinum og Portalinum í tollmálinum, eigur hann at bíða eftir dóminum, seta seg sjálvan til viks og fara í løgtingið.

Tað sigur Jenis av Rana, formaður í Miðflokkinum, sum atkvøddi fyri misáliti á Jørgen Niclasen.

Hann viðgongur, at hóast misálitið fall við teprum meiriluta, hevur Jørgen Niclasen fingið álitisváttan frá hægsta politiska myndugleika.

Jenis av Rana heldur, at løgmaður eigur at ávirka Jørgen Niclasen at fara úr Fíggjarmálaráðnum, tí tað fer at endurskapa álit á politisku skipanina.

Formaðurin í Miðflokkinum var gestur í Degi og Viku í gjárkvøldið