Almannamálaráðið hóttir býráðslimir við bót

Almannamálaráðið hóttir við at geva býráðslimunum í Havn persónligar dagbøtur, tí kommunan noktar at útflýggja skjøl í einum uppsagnarmáli á dagsstovninum Millum Bóla í Kollafirði.

Heðin Mortensen, borgarstjóri, vil ikki gera viðmerkingar til málið. Talan er um eitt prinsippmál, sum snýr seg um eina ósemju um tulking av dagstovnalógini, sigur Heðin Mortensen.