Jacob Vestergaard um strandalandasamráðingar

Føroyar og ES eru so dánt vorðin samd um sildabýtið, men nú fer ES eftir øllum at døma at krevja meiri í sín part, tá strandalondini fara at samráðast um svartkjaft í heyst.

Noreg tekur ikki treytaleyst undir vi tí. ES heldur eisini, at Ísland fær ov nógv í sín part. 

Tí er lagt upp til enn eitt stríð millum strandalondini.

Jacob Vestergaard, landsstýrismaður í fiskivinnumálum, er gestur í sjónvarpsstovuni í kvøld. Hann verður m.a. spurdur um áhaldandi ósemjurnar, og hvussu vísindini verða brúkt og misbrúkt í slíkum førum.  

Sí samrøðuna við landsstýrismannin her.

Mynd: Uni Holm Johannesen hevur samrøðu við landsstýrismannin í fiskivinnumálum um strandalandasamráðingarnar, sum verður send í Degi og Viku í kvøld.