Búskaparráðið: Vinnan kann skattast harðari

Búskaparráðið er farið at greina, hvussu stór tilfeingisrentan er í føroyska samfelagnum. 

Búskaparráðið roknar seg fram til tilfeingisrentuna við at kanna, hvussu stóran vinning feløgini í vinnuni hava, tá allar vanligar útreiðslur er drignar frá.

Tað, sum tá er eftir, er tilfeingisrentan. 

Búskaparráðið metir, at øll tilfeingisrentan í samfelagnum er umleið hálva milliard kr.

Av tí at tilfeingisrentan er so stór, ber til at skatta vinnuna harðari, sigur Herit V. Albinus, limur í Búskaparráðnum.