Meiri peningur til innanhýsis ferðavinnupolitikk

- Eg sakni ein innanhýsis ferðavinnupolitikk

So avgjørdur er Oliver Joensen, ein av stigtakarunum til standmyndina av kópakonuni í Mikladali. Hann sigur, at tað almenna átti at brúkt minni orku at skapa vøkstur í ferðafólkatalinum, og átti heldur at hugsað meira um dygdina á upplivingini hjá ferðafólki. 

Játtanin til Ferðaráð Føroya er í løtuni 13,9 mió kr. um árið. Av teimum fara knappar 5 mió kr. til lønir og aðrar fastar kostnaðir. Eftir eru 9 mió kr., sum sambært fíggjarlógini skulu brúkast til marknaðarføring av Føroyum sum ferðamannaland.