Stýrið vil hava broytingar

Stjórin í Kringvarpinum hevur fingið boð frá Kringvarpsstýrinum um at bøta um trúvirðið hjá stovninum eftir dómin í Føroya rætti mikudagin.

Tað var niðurstøðan eftir fundin í stýrinum seinnapartin.

Dia Midjord, kringvarpsstjóri, vil ikki gera viðmerkingar til krøvini frá Kringvarpsstýrinum.

Dia Midjord, Liljan Weihe og Jan Lamhauge hava kært dómin til landsrættin. Sveinur Tróndarson er dømdur í sama máli, og hann hevur eisini kært til landsrættin. 

Mynd: Rúni Heinesen, formaður í Kringvarpsstýrinum