Mugu semjast um eina orðing

Politiska arbeiðið við stjórnarskipanini er framvegis ikki byrjað, hóast ætlanin er at hava eina fólkaatkvøðu í 2017 um eina føroyska stjórnarskipan.

Løgmaður hevur annars sagt, at arbeiðið skuldi byrja í januar.

Jóan Pauli Joensen, professari, var formaður í stjórnarskipanarnevndini, sum læt álit frá sær í 2006.

Hann sigur, at politikararnir noyðast at semjast um eina orðing í spurninginum um loysing ella samband, sum báðir partar kunnu semjast um. 

Og tað ber væl til, sigur  Jóan Pauli Joensen.

Hann var gestur hjá Boga Godtfred í sjónvarpsstovuni í gjárkvøldið.