Skattamálið umrøtt frá byrjan

Skattamálið hjá Eik er ikki nýtt.

TF Holding umrøddi á fundi við Fíggjarligt Støðufesti longu í oktober í 2010 møguleikan at draga tap í gamla Eik frá í nýggja bankanum.

Men TF Holding fekk at vita, at hetta bar ikki til sambært føroyskari lóg.

Fyrrverandi stjórin TF Holding, Gunnar í Liða, segði við útvarpið í dag, at tað er rætt, at frádrátturin varð umrøddur, tá samráðingarnar um at keypa Eik byrjaðu. Hann sigur, at TF Holding hevur alla tíðina mett, at skattafrádrátturin var partur av keypinum av Eik.