Brexit: Miðlarnir hava fingið munnkurv

Tann, sum væntaði at frætta um gongdina í bretska valstríðnum eisini í dag, fólkaatkvøðan er, gjørdist vónsvikin.

Í Bretlandi er nevniliga siðvenja, at loftbornu miðlarnir siga einki um valið sjálvan valdagin, og so var eisini í dag.

Hildið verður nevniliga, at miðlarnir kunnu ávirka úrslitið, viðgera teir eina fólkaatkvøðu tann dagin, hon er.

Asta Hansen, MSc. í politiskum samskifti, var gestur í Degi og Viku. Hon heldur, at valstríðið upp undir fólkaatkvøðuna í Bretlandi hevur mint ikki sørt um valstríðið upp undir amerikanska forsetavalið.