Landsstýrismaðurin: Nýtt asfalt má leggjast á

At løgtingið skarvaði so nógv av játtanini til verklagslógina um Viðareiðistunnilin, sæst nú aftur.

Tað sigur Henrik Old, landsstýrismaður í samferðslumálum.

Landsverk segði, at arbeiðið fór at kosta í minsta lagi 187 milliónir kr., men løgtingið játtaði bara 162 milliónir.

Henrik Old sigur, at nýtt asfaltlag má leggjast á tunnilsvegin í vár ella í summar, og hann hevur eina vón um at fáa pening til tað, nú fíggjarnevndin viðger fíggjarlógaruppskotið fyri 2017.