Ríkisfelagsskapurin tryggjar tunnilslánið

Ríkifelagsskapurin styrkir evnini hjá almennu Føroyum at fáa lán.

Tað staðfestir Malan Johansen, deildarstjóri á Fígging landsins, nú tað er komið undan kavi, at lánið til Eysturoyartunnilin og Sandoyartunnilin er treytað av sambandinum millum Føroyar og Danmark.

Kristina Háfoss, landsstýriskvinna í fíggjarmálum úr Tjóðveldi, vil ikki gera viðmerkingar í kringvarpinum til sáttmálan.

Kristina Háfoss sigur, at hon hevur sagt sína hugsan hjá landsstýrismanninum í samferðslumálum um lánstreytirnar í grein 8 í sáttmálanum.