Er til reiðar at broyta lógina

Landsstýriskvinnan í kommunumálum skilir væl sjónarmiðið hjá nýggja býráðsmeirilutanum í Tórshavnar kommunu, um at fleiri enn borgarstjórin eiga at sleppa at fyrisita í kommununi.

Hon sigur, at kommunurnar hava fingið fleiri stór málsøki at umsita, sum krevja nógva fyrisiting.

Tað er kortini ikki at neyðugt at hava fleiri borgarstjórar í kommununum, men eitt hugskot er, at nevndarformenn fáa størri heimildir at fyrisita, sigur Sirið Stenberg, sum er fús at kanna møguleikarnar at broyta kommunustýrislógina.