Uttanríkisráðharrin: Karmarnir verða ikki broyttir

Skulu Føroyar hava ein virknari leiklut í altjóða viðurskiftum, skal vera innan fyri karmarnar í ríkisfelagsskapinum.

Tað sigur nýggi danski uttanríkisráðharrin, Anders Samuelsen, sum er á vitjan í Føroyum.

Sostatt hevur hann somu støðu sum undanfarnir uttanríkisráðharrar í Danmark til spurningin um sjálvstøðugan føroyskan limaskap í eitt nú WTO og Norðurlandaráðnum.

Anders Samuelsen sigur, at hann ætlar at koma aftur til Føroya seinni í ár.