Kýta seg at gera fríhandilsavtalu við Kina

Tað er avgerandi fyri føroysku alivinnuna at fáa betri atgongd til kinesiska marknaðin, skal hon standa seg í kappingini við onnur lond, sum útflyta laks.

Tað sigur Regin Jacobsen, stjóri í Bakkafrosti, nú norðmenn fara at samráðast við Kina um ein fríhandilssáttmála.

Poul Michelsen, landsstýrismaður í uttanríkis- og vinnumálum, sigur, at føroyskir myndugleikar leggja stóran dent á at fáa ein fríhandilssáttmála í lag.

Herfyri var ein sendinevnd, eisini við umboðum fyri vinnufyritøkur, í Kina, og í mai fara politikarar og embætisfólk aftur til Kina á vitjan.