Onnur hava verið í somu støðu

Eyðun Berg er ikki tann einasti, sum heldur seg hava ringar royndir av Bústøðum.

Í Vinnuhúsinum hava tey eisini frætt frá øðrum í byggivinnuni, sum hava verið í somu støðu.

Marita Rasmussen, stjóri í Vinnuhúsinum, sigur, at fleiri dømi eru um, at byggiverkætlanir, sum eru gjørdar saman við Bústøðum, røkka ikki á mál.

Andras Róin, stjóri í Bústøðum, sigur, at hann skilir atfinningarnar. Bústaðir fáa nógv uppskot um byggiverkætlanir, men ikki allar kunnu fremjast.