Framsókn: Menningarkvoturnar eru ov stórar

Um hálvgum sjey tíðina í kvøld varð álitið frá vinnunevndini í málinum um fiskivinnunýskipanina lagt fram.

Nógvar neyðsemjur eru gjørdar, men Framsókn, sum ikki hevur umboð í vinnunevndini, heldur, at menningarkvoturnar eru vorðnar ov stórar.

Hanna Jensen, tingkvinna í Framsókn, sigur, at flokkurin fer nú at viðgera álitið innanhýsis.

Uppskotið um fiskivinnunýskipan kemur til 2. viðgerð í tinginum fríggjadagin, og tá verður eisini atkvøtt í málinum.

Hoyr samrøðu, sum Beinta Løwe gjørdi við Honnu Jensen og Bjørt Samuelsen, forkvinnu í vinnunevndini.