Fiskivinnunýskipan er ársins orð

Ársins orð er valt og ársins orð er "fiskivinnunýskipan".

Tað hava Málráðið, Føroysk miðlafólk og Felagið føroysk marknaðarfólk saman við sendingini Góðan morgun Føroyar funnið fram til.

Men hvat hugsa føroyingar, tá vit siga fiskivinnunýskipan? Tað hava vit spurt fólk á gøtuni, og hví er tað ársins orð, spurdu vit fólk í dómsnevndini.

Lurtararnir hjá morgunsendingini sendu inn umleið 70 orð. Málráðið valdi tíggju burtur úr rúgvuni, og síðani funnu tey saman við feløgunum Føroysk Marknaðarfólk og Føroysk Miðlafólk vinnararðið, "fiskivinnunýskipan", í beinleiðis sending í morgun.