Ov dýrt at keypa dygdarvín

Kendi føroyski kokkurin, Leif Sørensen, er í holt við at lata upp eina nýggja matstovu í Skeiva pakkhúsi í Havn. 

Hann vil gjarna bjóða gestunum dygdarvín, men hetta spennir príspolitikkurin hjá Rúsdrekkasølu Landsins bein fyri. 

Prísásetingin ger, at vínið blívur lutfalsliga nógv dýrari, tí Rúsan leggur 21 prosent av innskeypsprísinum oman hvørja fløsku. 

- Dýrari vínið er at keypa inn, meira kemur oman á prísin í Føroyum. Hesin príspolitikkurin ger, at vit venja fólk við at drekka vánaligt vín í Føroyum, heldur Leif Sørensen.