Hvørki Aksel ella Jørgen stúra fyri vali í ótíð

Bæði Aksel V. Johannesen, samgonguleiðari og formaður í Javnaðarflokkinum, og Jørgen Niclasen, formaður í Fólkaflokkinum fegnast um veljarakanningarnar, sum vórðu kunngjørdar í dag.

Onnur vísir, at samgongan varðveitir meirilutan, og hin vísir, at andstøðan hevði fingið meiriluta, varð val nú.

Hvørki Aksel V. Johannesen ella Jørgen Niclasen siga seg stúra fyri vali í ótíð.

Georg L. Petersen, blaðstjóri á Dimmalætting, var i sjónvarsstovuni og gjørdi viðmerkingar til veljarakanningarnar.

Hann undrast á, at Javnaðarflokkurin ikki hevur størri afturgongd, flokkurin er í skeljasori, sigur Georg L. Petersen.