Bankastjóri: Keðiligt at listasavnið lá á goymslu

Banknordik lá inni við umleið 900 listaverkum, sum eru keypt upp gjøgnum árini.

Meginparturin endaði á goymslu, tí bankin hevði ikki veggjapláss til tey.

Tí valdi bankaleiðslan at stovna sjálvsognarstovnin, Banknordik-savnið, sum hevur fingið tveir triðingar av verkunum.

- Ásannandi at vit høvdu eina rættiliga stóra goymslu av listarverkum, og at vit tey seinnu árini hava færri og færri deildir, so hildu vit, at tað bleiv nakað negativt at bara hava tað liggjandi í eini goymslu, sigur Árni Ellefsen, stjóri í Banknordik.

Savnið hevur fríar heimildir at selja burturav og keypa nýtt ínn.