Fólkaskúlalógin ger religiøsan mismun

Seinasti partur av Gud signi Føroyar verður í kvøld, og hesa ferð varpar sendingin ljós á gudloysi og gudstrúgv eitt nú í mun til føroysku fólkaskúlalógina. 

Bæði Humanistafelag Føroya og felagið Gudloysi halda, at føroyska fólkaskúlalógin eigur at broytast, tí hon ger mismun á fólki í mun til átrúnað og lívsáskoðan.

Í endamálsorðingini í fólkaskúlalógini stendur soleiðis:

”Fólkaskúlin skal í sátt og samvinnu við foreldrini geva næminginum eina kristna og siðalagsliga uppaling”.

Men Heini Reinert í felagnum Gudloysi og Heri Joensen í Humanistafelagi Føroya halda, at orðingin ger mismun.

Hetta kemur til sjóndar í sætta og seinasta partinum í sjónvarpsrøðini Gud signi Føroyar, sum kemur á skíggjan í kvøld klokkan 19.20. Sí brot úr sendingini omanfyri.

Tú kanst eisini síggja sendingina her á heimasíðuni, tú finnur hana her.