Løgtingið ikki búgvið at avgera stjórnarskipan

Tað fæst eingin semja um stjórnarskipanina, og tí eigur løgmaður at gevast við arbeiðnum, til løgtingið er mannað við fólki, sum eru búgvin at semjast um eina stjórnarskipan.

Tað heldur Eirikur Lindenskov, ábyrgdarblaðstjóri á Sosialinum og politiskur viðmerkjari.

- Vit hava sjálvsavgerðarrætt, og tí er ikki neyðugt at senda tann partin av stjórnarskipanini til fólkaatkvøðu, sum Tjóðveldi mælir til, sigur hann.

Eirikur Lindenskov var gestur í Degi og Viku í kvøld.