Broytt byggisamtykt hækkar virðið munandi

Bæði umsitingin í Tórshavnar kommunu og Innlendismálaráðið søgdu nei.

Kortini varð byggisamtyktin fyri eina trøð við Sundsvegin broytt, hóast hon er partur av frílendisøkinum við Hoydalsá.

Nú er trøðin sett til sølu, og broyttu byggisamtyktirnar gera, at virðið á økinum eru hækkað munandi.

Annika Olsen, borgarstjóri, sigur, at avgerðin um at broyta byggisamtyktina fyri matrikulin við Sundsvegin fer ikki at skapa fordømi.