Glasir: Tingfólk kenna seg villleidd

Ein umbøn um 18,7 milliónir kr. í eykajáttan til Glasir er til viðgerðar í tinginum í løtuni, men fleiri eykarokningar fara at koma.

Tað hevur politiska skipanin fingið at vita, og tí hevur Rigmor Dam, landsstýriskvinna í mentamálum, givið Landsverki boð um at útgreina, hvussu nógvar eykarokningar koma, so tær kunnu leggjast aftrat teimum 18,7 milliónunum, sum biðið er um.

Rigmor Dam sigur, at hon hevur ikki hug at fara aftur í tingið seinni við eini umbøn um meira pening til Glasir.

Formansskapurin í fíggjarnevndini kennir seg villleiddan, nú eykarokningar fyri Glasir koma rapandi í tingið.