Gera ábøtur í Hoydølum fyri fimm milliónir

Tær fimm milliónirnar, sum ætlanin er at brúka til fyribils ábøtur, eru bara ein lítil partur av tí, sum tað kostar at gera neyðugu ábøturnar á bygningarnar í Hoydølum.

Landsverk gjørdi eina leysliga meting av teimum mest átrokandi ábótunum fyri nøkrum árum síðani, og tá var tørvurin 62 milliónir kr. til bygningarnar.

Høgni Hoydal, landsstýrismaður í mentamálum, sigur, at ætlanin er at útvega fígging við leiguinntøkum fyri skúlalonirnar, men neyðugt verður eisini við eykajáttan.