Dýrari at ferðast til Nólsoyar og Suðuroyar

Strandferðslan skal hava umleið fimm milliónir krónur aftrat í rakstrarinntøkum.

Peningurin verður útvegaður við at hækka ferðaseðlaprísirnar á Nólsoyar- og Suðuroyarleiðini, við at leiga strandfaraskipini oftari út, og at finna sparingar í Bygdaleiðum.

Hilmar Eliasen, stjóri á Strandferðsluni, sigur, at skal sleppast undan bráðfeingis átøkum sum hesum, verður neyðugt at gera eina langtíðaravtalu við politisku skipanina, um raksturin av stovninum.