Búð í Gibraltar í 26 ár

Í 1993 flutti Randi Franco úr Føroyum til Gibraltar at búgva, og her hevur hon búð síðani.

Hon er gift og eigur trý børn, og hon er heilsurøktari og arbeiðir innan fyri eldraøkið.

Hittust í Føroyum

Hon hitti mann sín á oyggjaleikunum í 1989 í Føroyum, og stutt eftir blivu tey góð og hava hildið saman síðani. 

Dagurin í dag, hin 5. juli 2019, eru akkurát 30 ár síðani, at Randi og Fabian hittust á fyrsta sinni. 

Vit hava hitt Randi Franco til eitt prát um, hvussu Gibraltar er broytt hesi árini, hon hevur búð í oynni.

Aftur til Gibraltar

Í 1995 vóru Oyggjaleikir eisini í Gibraltar, og tá hitti Leivur Hansen, sum tá arbeiddi í Sjónvarpi Føroya, Randi, sum tá hevði búð í Gibraltar í tvey ár.

Maðurin, Fabian og elsti sonurin, Julian, sum tá var einabarn, eru eisini við í innslagnum.