Árant og Adhya fyri fyrstu ferð á Oyggjaleikum

Í nýggju stásiligu høllini í Gibraltar leggja badmintonleikarnir seinastu hond á fyrireikingarnar áðrenn liðkappingin byrjar í morgin.

Vil verða millum tær bestu

Vónirnar undan kappingini eru góðar. Tvey av stjørnuskotunum hjá føroyska liðnum eru Árant á Mýrini og Adhya Nandi, og tey ætla kappast millum tey bestu.

Adhya var fyrr í ár í FM finaluni, har hon tapti fyri Rannvá D. Carlsson. Hon vónar, at hon koma millum tær bestu.

Satsar uppá hálvfinalu

Árant hevur eisini góðar vónir til kappingina. Hóast hann er greiður yvir, at Bartal Poulsen og Niclas Eysturoy eru millum teir bestu, so vónar hann at kunna arga teir eitt sindur og møguliga náa einari hálvfinalu.

Byrja í morgin

Sunnudagin klokkan 8.30 byrjar liðkappingin hjá badmintonleikarunum. Kappingin fyri einstaklingar byrjar týsdagin.