- Soleiðis eigur ein skjótibreyt at síggja út

Skjóting er ein av stóru ítróttargreinunum á Oyggjaleikunum, og umstøðurnar til at skjóta í Gibraltar eru serstakliga góðar, staðfesta allir føroysku skjúttarnir. 

Ein spildurnýggj skjótibreyt er gjørd til hesar leikirnar, og breytin, har føroyingarnir skjóta í hesum døgum, er útbygd, soleiðis at hon er nýmótans og kann hýsa øllum kappingunum á Oyggjaleikunum.

Finn Ludvig og Esmar Joensen, formaður í Skjótisambandi Føroya vísa runt í Clay Shooting Range, har skeet og trap kappingarnar verða næstu dagarnar. 

- Her er alt, sum vit ynskja okkum, siga teir.