Hallur vann á álendskum profili

Hann vann 4-3 móti Johan Petterson av Álandi. Petterson er fyrrverandi yrkisleikari og hevur eisini eitt oyggjaleikagull frá Álandi í 2009 í heiðursmerkjasavninum.

Dysturin var sera spennandi, og Hallur Thorsteinsson var aftanfyri 3-2, men kom sterkt aftur og vann tey bæði síðstu settini 11-3 og 11-7.

Eyðun Fríðursson Ellendersen spældi seg eisini í aðru rundu við 4-0 sigri á Javier Sotomayor av Falklandsoyggjunum, meðan Fróði Fríðason Jensen tapti 4-1 móti Jordan Luke Wykes, sum er hægst styrkismetti maðurin í kappingini.

Hjá kvinnum hevur Rakul Mikkjalsdóttir spælt seg í aðru rundu við 4-1 sigri á Paula Le Ber av Guernsey, meðan Anna Mikkjalsdóttir tapti tepurt 4-3 fyri Meenal Viz av Gibraltar.

Sólja Hilduberg Djurhuus byrjar í aðru rundu. Dystirnir fram til hálvfinalurnar verða allir avgreiddir í dag.