Rebekka fekk silvurið á 800 metrum

Rebekka Fuglø gjørdi sítt, tá Føroyar fekk ein góðan enda í frælsum ítrótti á Oyggjaleikunum.

Tað eydnaðist ikki at verja gullheiðursmerkið frá seinastu leikunum á Gotlandi. Til tað var Rachael Franklin av Isle of Man ov sterk, men føroyski rennarin var væl nøgd við annað plássið.

Rebekka Fuglø segði, at venjingarumstøður hennara hava ikki verið so góðar hesa ferð, og tí er hon glað um tey trý heiðursmerkini, sum hon hevur runnið heim til Føroyar.