Systrarnar taptu í hálvfinaluni

Rakul og Anna Mikkjalsdóttir taptu 3-0 fyri Gotlandi í hálvfinaluni í tvímansleiki.

Tær komu illa frá byrjan og taptu fyrsta settið 11-3. Í øðrum setti komu tær sterkt aftur, men megnaðu ikki at avgera til egnan fyrimun.

So vóru tær trýstar at vinna triðja sett, men søgan endurtók seg. Tær høvdu settbóltar, men Evalina Carlsson og Elin Schwartz vunnu settið 13-11, og tryggjaði sær finaluplássið.

Føroysku spælararnir iðraðu seg um tapið, men fegnaðust um bronsuna, ið ongin frammanundan hevði roknað við.