Fólkatingsmaður: Løgreglan skal hava hagtalsskipan

Løgreglan í Føroyum eigur at hava hagtalsskipanir, sum staðfesta, hvussu ofta fólk bíða  eftir løgregluni.

Tað heldur Edmund Joensen, fólkatingsmaður, sum hevur reist málið á fólkatingi. 

– Vit vita ikki, hvussu leingi tað í roynd og veru tekur løgregluni at at koma fram, tá ið boð eru eftir teimum. Og tað er ikki nóg gott, heldur Edmund Joensen.

Hann hevur sett danska løgmálaráðharranum spurningar um løgreglan í Føroyum, nú samráðingar eru byrjaðar í danska fólkatinginum um nýggja semju um løgregluna.

Edmund Joensen heldur, at løgreglan í Føroyum er afturúrsigld.