Úr serskúla í kokkalæru

Um tú ber autismu, nýtist tað ikki at vera forðing fyri at røkka tínum málum.

Jón Niclasen úr Miðvági, sum hevur atypiska autismu, hevur gingið á serbreyt á Tekniska skúla í Klaksvík. Síðani slapp hann á matvørubreytina á skúlanum, og nú er hann í kokkalæru á Hafnia.

Jón Niclasen hevur ein dreym um at lata upp egna matstovu, tá hann er liðugur at læra til kokk.

Jón Niclasen og familjan siga, at tey hava fingið sera góðan stuðul og hjálp bæði frá skúlaverkinum og almannaverkinum, so at Jón kundi røkka sínum dreymamáli.